He mea whakarite tēnei paetukutuku mā te hapori whānui tonu o RaRau Mai.
Tautī mai rā, rarau mai rā ki tēnei kāinga toi o tātou!
He kaupapa mahi toi, rumaki reo Māori mā ngā whānau kua whakatauria ko te reo Māori te reo kōrero i ia rā, ki ia wāhi.
E whā ngā kaupapa matua e kawea ana e RaRau Mai
-
RaRau Mai kanohi-ki-te-kanohi
-
RaRau Mai ako ā-tuihono
-
Tupu te Toi noho marae
-
Ora te Toi whakaaturanga toi
Kanohi-ki-te-kanohi
He hōtaka mahi toi, utu kore, ka kawea i te reo Māori mā ngā whānau kōrero Māori kei te rohe o Rangitāne o Manawatū, o Ngāti Raukawa-ki-te-tonga hoki.
Ako ā-tuihono
Ko tā te hōtaka RaRau Mai he whakapakari i te puna reo toi mā roto mai i ngā ngohe toi reo Māori whaitake. Kei konei ngā akoranga ā-tuihono mō ngā whānau ako mai i tawhiti:
He noho marae ka whakahaeretia i roto o Rangitāne o Manawatū, o Ngāti Raukawa-ki-te-tonga hoki hei hāpai i ngā mahi toi me te whānau, he kawe hoki i ngā tikanga o te marae me ngā kōrero tuku iho o te mana whenua.
He whakakitenga toi e whakaatu ana i ngā mahi toi a ngā whānau o RaRau Mai.
Ko Toi Ora Initiative (TOI) tētahi manatōpū ka whakatairanga, ka poipoi, ka akiaki hoki i te tukuna ihotanga o te reo. Ka pukumahi a TOI ki te hoahoa me te hanga i ētahi hōtaka auaha ko te toi me te reo Māori ngā aronga i ngā rohe o te iwi o Rangitāne, o Raukawa-ki-te-tonga hoki.
